«Իշխանությունների կողմից ընտրական գործընթացներում առաջարկվող օրենսդրական փոփոխությունները բարեփոխումներ անվանել չի կարելի, դրանք քաղաքական մոտիվ ունեն, բխում են իշխող ուժի շահերից»։
«Ապրեկու երկիր» կուսակցության անդամ, Ջերմուկ համայնքում «Ապրելու երկիր» խմբակցության ղեկավար Սյուզաննա Ավետիսյանը հարցազրույց է տվել «Առավոտ»-ին այսօրվա իշխանությունների կողմից Ընտրական օրենսգրքում առաջարկվող փոփոխությունների մասին։
Նա նաև խնդրահարույց է համարել «Երևանի մասին» օրենքում փոփոխությունը, որով գործելու է ավագանու ինքնալուծարման մեխանիզմը։ Նկատել է ՝ հարց է առաջանում՝ ինչու՞ պետք է ժողովրդի կողմից ընտրված ավագանին որոշի ինքնալուծարվել, ի՞նչը կարող է լինել դրա պատճառը, և ինչու՞ պետք է օրենսդրակական նման փոփոխությունը միայն Երևանի վրա տարածվի։
«Կասկած է առաջանում՝ կա քաղաքական պատճառ, գուցե ընտրությունների ժամանակացույցը իրենց հարմար պահի փոխելու համար է։ Այլ ռիսկսեր էլ կարող են լինել»,- ասել է նա։