«2021 թվականի ընտրությունները կամ ընդդեմ Նիկոլ Փաշինյանի էր, կամ ընդդեմ Ռոբերտ Քոչարյանի։ Իսկ մենք ուզում ենք, որ մարդիկ ցանկանան վստահել այն ուժին, որին պետք է հետո պատվիրակեն կարևորագույն հարցերի լուծումներ։
Մենք հասկանում ենք, որ մեր ժողովուրդը արժանի է ունենալ այնպիսի իշխանություն, որն աշխատելու է բացառապես պետությունն ուժեղացնելու, բացառապես պետական շահը սպասարկելու համար։ Մենք տեսել ենք մի իրավիճակ, երբ մեծ անդունդ կա ժողովրդի և քաղաքական ուժերի միջև։
Այդ անդունդը լրացնելու համար է մեր ուժը։ Մեր պատվերը գալիս է ժողովրդից»։
«Ապրելու երկիր» կուսակցության նախագահ Մանե Թանդիլյանը 168TV-ի «Ռեվյու» հաղորդաշարին տված հարցազրույցում խոսել է իր ղեկավարած քաղաքական ուժի ընտրած իշխանության գալու ճանապարհի, հանրության հետ աշխատելու կարևորության մասին։