«Ապրելու երկիր» կուսակցության նախագահ Մանե Թանդիլյանը գրել է․
«Արցախի հայաթափման տարելիցի կապակցությամբ Կանադայի արտգործնախարար Մելանի Ժոլին հանդես է եկել հայտարարությամբ։
Հայտարարության մեջ, մասնավորապես, ասվում է՝
Մեկ տարի առաջ Ադրբեջանի ռազմական գործողություններ իրականացրեց դարեր շարունակ հայերով բնակեցված Լեռնային Ղարաբաղում, ինչի հետևանքով ավելի քան 100.000 հայեր բռնի տեղահանվեցին,
Կանադան կոչ է անում անվերապահորեն ազատ արձակել ռազմագերիներին և ձերբակալված անձանց,
Կանադան աջակցում է Լեռնային Ղարաբաղի հիմնախնդրի բանակցային քաղաքական լուծմանը և աջակցում է ուժի չկիրառման, տարածքային ամբողջականության հարգման սկզբունքներին և ինքնորոշման իրավունքին։
Իմ շնորհակալությունն եմ հայտնում տիկին Ժոլիին՝ Արցախի վերաբերյալ բացառիկ հայանպաստ դիրքորոշման և Բաքվի բանտերում պահվող հայ գերիների վերադարձի հարցը կրկին բարձրաձայնելու համար»։