«Տեղական ինքնակառավարումը կախված է նրանից, թե որքանով որակյալ որոշումներ կկայացնենք, իսկ դրա համար պետք է համապատասխան որակյալ գիտելիքներ և հմտություններ ունենանք։ Ես կարևորում եմ մեր մասնակցությունը այս ծրագրին, և շնորհակալ եմ մեր կուսակցության ղեկավարությանը, որ ընձեռել է մեզ նման հնարավորություն»։
«Ծրագրից իմ ակնկալիքներն առաջին մոդուլից հետո արդեն էլ լիարժեքորեն բավարարված են․ դասընթացի ժամանակ ներկայացվում է միջազգային լավագույն փորձը՝ Արևմուտքից Արևելք»։
Ջերմուկում և Հրազդանում ավագանու «Ապրելու երկիր» խմբակցության ղեկավարներ Սյուզաննա Ավետիսյանն ու Մոնթե Մաթևոսյանը ներկայացրել են իրենց տպավորությունները առաջնորդության և մասնագիտական զարգացման «Մատենա» միջազգային և Մոսկվայի «Սկոլկովո» կառավարման դպրոցների կազմակերպած ծրագրից, որը վերաբերում է ՀՀ համայնքների արդյունավետ կառավարմանն ու համայնքային պաշտոնյաների մասնագիտական զարգացմանը։