109 տարի առաջ հայերի նկատմամբ իրականացված հանցագործության նկատմամբ անտարբերությունն ու անպատժելիությունը նոր հանցագործություններ ծնեցին։
Ցեղասպանությունից 109 տարի անց կրկին ականատեսն եղանք Արցախում էթնիկ զտման իրականացման, ինչը թե՛ 1915 թվականի, և թե՛ այլ ցեղասպանությունները չդատապարտելու ու մեղավորներին չպատժելու արդյունք է։ Միջազգային հանրության շարունակական լռության պայմաններում այսօր էլ ադրբեջանական բանտերում են հայ գերիները, ինչը հակահայ քաղաքականության հերթական վառ դրսևորումն է։
Հայոց ցեղասպանության անցյալի ողբերգական ժառանգությունը մեզ պետք է պայքարի ուժ տա, որը վերածելով հզոր էներգիայի՝ հնարավորություն կտա ստեղծել ուժեղ պետություն ու այլևս երբեք թույլ չտալ նման էջերի կրկնությունը։