Հայաստանի և Ադրբեջանի միջև սահմանազատումը պետք է իրականացվի 1922թ. քարտեզով, որով Հայաստանը և Ադրբեջանը դե-յուրե եղել են անկախ պետություններ։
1920թ․ նոյեմբերից մինչև 1922թ․ մարտ ամիս Հայաստանն ու Ադրբեջանը միջազգային իրավունքի տեսանկյունից եղել են դե-յուրե անկախ պետություններ։ Միայն 1922թ․ մարտին է ձևավորվել Անդրկովկասի Խորհրդային Ֆեդերատիվ Սոցիալիստական Հանրապետությունը, որին էլ միացել է Հայաստանը։ Ընդ որում, ԽՍՀՄ-ը կազմավորվել է ավելի ուշ՝ 1922թ․ դեկտեմբերին։
Արդյունքում, Հայաստանն ու Ադրբեջանը 1922թ․ ունեցել են միջազգային իրավունքի տեսանկյունից պետական սահման, որով էլ միացել են ԱԽՖՍՀ-ին, այնուհետ ԽՍՀՄ-ին։
Հետևաբար, Հայաստանի և Ադրբեջանի սահմանազատման համար պետք է հիմք ընդունել բացառապես 1922թ․ սկզբի քարտեզը, որտեղ Հայաստանն ու Ադրբեջանը եղել են անկախ պետություններ՝ պետական սահմանով։