Այսօր երեխաների իրավունքների պաշտպանության միջազգային օրն է։
Միայն անվտանգ և ապահով միջավայրում զարգացող, սիրով և հոգատարությամբ շրջապատված երեխան կարող է դառնալ խոստումնալից ապագա կերտողը։
Այսօրվա երեխաները վաղը մեր որոշում կայացնողներն են՝ առաջնորդները, մեր երկիրն ավելի լավն ու բարեկեցիկ դարձնողը։
Ուստի, այսօրվանից նրանց երազանքների իրականացումը պետք է դառնա մեծահասակներիս ամենօրյա աշխատանքը։ Նրանք պետք է միշտ իրենց պաշտպանված ու երջանիկ զգան։
Մենք պարտավոր ենք ստանձնել մեր երեխաների բարեկեցիկ և անվտանգ մանկության միջավայր ստեղծելու հանձնառությունը՝ նրանց երազելու և երազանքի հետևից գնալու հնարավորություն տալու համար։
Թող որ այսօր և ամեն օր մեր տղա և աղջիկ երեխաները զգան, որ մենակ չեն, և որ պետությունը կանգած է նրանց իրավունքների լիարժեք իրացման կողքին։
Մենք նրանց մաղթում ենք անամպ երկինք և բազում հնարավորություններ կերտելու համար իրենց ապրելու երկիրը։