«Ապրելու երկիր» կուսակցությունը հայտնում է քարոզարշավի մեկնարկի մասին․
«Օգոստոսի 23-ը մեզ համար կրկնակի խորհրդանշական է.
մենք տոնելու ենք Անկախության հռչակագրի 33-րդ տարին և 13 համարի ներքո մեկնարկելու ենք Երևանի ավագանու ընտրությունների նախընտրական քարոզարշավը։
1990 թվականի օգոստոսի 23-ին Խորհրդային Հայաստանի 12-րդ գումարման Գերագույն խորհուրդն ընդունեց Հայաստանի անկախության մասին հռչակագիրը։
Այն դարձավ 1991-ի սեպտեմբերի 21-ի՝ Հայաստանի անկախության հռչակման կարևորագույն սկզբնակետն ու խորհրդանիշը։
Ժամը 10:00-ին բոլորին հրավիրում ենք Բաղրամյան 6, որտեղից տրվելու է «Ապրելու երկիր» կուսակցության քարոզարշավի մեկնարկը»։