«Ապրելու երկիր» կուսակցության համահիմնադիր, Երևանի ավագանու առաջիկա ընտրություններում «Ապրելու երկրի» նախընտրական շտաբի ղեկավար Մեսրոպ Առաքելյանը ֆեյբուքյան իր էջում կիսվել է Արմենիա հեռուստաընկերության ռեպորտաժով և կից գրել․
«Երկու տարի առաջ Հայաստանում տիրող իրավիճակում ու պայմաններում մեր նոր ձևավորվող քաղաքական ուժի հաջողությանը շատերը չէին հավատում:
Բայց այս կարճ ժամանակում ահռելի աշխատանք իրականացրեցինք և Հայաստանի ու Արցախի հանդեպ այն նվիրումը, որ կար կուսակցության ստեղծման պահին և կա հիմա, կիսում են տասնյակ, հարյուրավոր, հազարավոր համակիրներ։
Մեր թիմի և մեզ գաղափարակից մարդկանց հետ քայլ առ քայլ հասնելու ենք բոլոր նպատակներին։
Հասնելու ենք, որովհետև մեր աշխատանքն ազնիվ է, մեր աշխատանքը հանուն հայրենիքի է՝ Հայաստանի և Արցախի»։