«Ապրելու երկիր» կուսակցության ասուլիսին քաղաքական ուժի նախագահ, Երևանի քաղաքապետի թեկնածու Մանե Թանդիլյանի հայտարարությունից ուշագրավ հատվածներ․
Երևանին պետք են խորքային բովանդակային փոփոխություններ։
Երևանը պետք է լինի 21-րդ դարին հարիր եվրոպական մայրաքաղաք, ամբողջ հայության մայրաքաղաք, բոլորի երազանքի քաղաք։
Երևանում կառավարման համակարգը պետք է մասնագետների կառավարման համակարգ դառնա, ամեն մեկը պետք է լինի իր տեղում իր ճիշտ գործն անելիս։
Երևանի ընտրությունները քաղաքական են, և դրանք երկրում արդյունավետ իշխանափոխության միջոց են լինելու, այնպես ինչպես դրանք եղել են այն համայնքներում, որտեղ հիմա ղեկավարում են մեր կուսակցության անդամները։
ՔՊ-ի հետ որևէ համայնքում որևէ համագործակցության եզր չկա և առավելևս դա չի լինելու Երևանում։ Այս իշխանությունները պետք է ամբողջությամբ հեռանան պետական կառավարման ոլորտից։