«Ֆրանսիայի հրապարակի սակավամարդությունը սին տպավորություն կարող է ստեղծել նաև դրսի համար, թե հայ ժողովուրդը համակերպվում է այն քաղաքականության հետ, ինչ իշխանությունը վարում է։ Ո՛չ, չեն համակերպվում։
Բայց, ցավոք, այն ուժերը, որոնք այնտեղ են, չեն արտահայտում մեր ժողովրդի առաջնորդության կամքը։
Մեկ տարի առաջ մեր ժողովուրդն ընտրություն է կատարել, և ես ցավում եմ այդ ընտրության համար։ Ընտրել են մեկին՝ մյուսին չընտրելու համար։
Դա ճարահատյալ ընտրություն էր, բայց դրանով հանդերձ, մեր ժողովուրդը չի տվել մանդատ որևէ մեկին, որ ստորագրի այնպիսի փաստաթուղթ, որով Արցախը որևէ կարգավիճակով կհայտնվի Ադրբեջանի վերահսկողության ներքո։
Ես համոզված եմ, որ հիմա ժողովուրդն իր հետևություններն անում է գործող վարչակազմի, Նիկոլ Փաշինյանի գործողություններից, սակայն այն առաջարկը, որի պատճառով կցանկանա փոխել այսօրվա իշխանությունը, չունի։
Մենք հիմա զբաղված ենք այդ առաջարկը ստեղծելով, ստանձնել ենք բարդագույն պատասխանատվություն այդ խնդիրը լուծելու։ Շատ կարևոր եմ համարում մեր ժողովրդի հավաքական ողջախոհությանը հավատալը։ Ես դա տեսել եմ, ես դա տեսնում եմ։
Հավատում եմ, որ մեր ժողովուրդը, ունենալով առաջարկ, անելու է իշխանափոխություն ընտրությունների միջոցով»։
«Ապրելու երկիր» կուսակցության նախագահ Մանե Թանդիլյանը խոսել է իր ղեկավարած ուժի անելիքների, Արցախի կարգավիճակի, ՏԻՄ ընտրությունների կարևորության ու այլ թեմաների վերաբերող հարցերի։