«Ապրելու երկիր» կուսակցության նախագահ Մանե Թանդիլյանը մասնակցել է «Ապրիր կարդաLove» գրքի փառատոնի բացման արարողությանը։
Նա կարևոր է համարել գրքի նկատմամբ հասարակության մեջ հետաքրքրություն բարձրացնելու անհրաժեշտությունը։
«Ես վստահ եմ, որ կարդալը պետք է ու կարող է դառնալ սովորություն։ Իսկ այդ սերը երեխաների մեջ հենց մանուկ հասակից պետք է սերմանենք մենք։ Մեր՝ մեծահասակների պարտավորությունն է դաստիարակել կրթության կարևորությունը գիտակցող քաղաքացիների, ու առաջին հերթին մենք պետք է օրինակ լինենք նրանց համար»,- ասել է նա։