"Երկիր մեդիա"․ Նախորդ տարվա ՏԻՄ ընտրությունների արդյունքում Տաթև համայնքում համատեղ կառավարում ստանձնած «Ապրելու երկիր» կուսակցությունը կարևորում է այստեղ բնակավայրերի միջև բնականոն կապի ապահովումը։
Քաղաքական թիմի աջակցությամբ «Ապրելու» հիմնադրամը համայնքին նվիրաբերել է տրանսպորտային միջոց, որով հնարավորություն է ստեղծվել ապահովել Տաթև-Շինուհայր բնակավայրերի և դրանց միջակայքում ընկած գյուղերի անխափան կապը։
Երթուղու սպասարկումն անվճար է, և դա հիանալի հնարավորություն է հատկապես Շինուհայրից և հարակից գյուղերից Տաթևի միջնակարգ դպրոց ամեն օր ուղևորվող ուսուցիչների համար։
Տաթևում «Ապրելու երկիր» խմբակցության ղեկավար, համայնքի ղեկավարի առաջին տեղակալ Մարատ Գերասիմյանն է մատնանշել՝ Շինուհայր- Տաթեւ երթուղին չի գործել անհիշելի ժամանակներից, ինչը խանգարել է Տաթևի բոլոր բնակավայրերի կենսունակության բարձրացմանը, բնակավայրերը կտրված են եղել իրարից։
Իր քաղաքական թիմը՝ տրանսպորտային միջոցի գործարկման նախաձեռնությանն աջակցելով՝ լուծում է համայնքի կարևորագույն խնդիրներից։