«30 տարի քաղաքական ուժերը, որոնք կառավարել են մեր երկիրը, կարևորը անկարևորից չեն տարբերել, առաջնահերթություններ չեն դրել, ապականել են ամեն հնարավոր բան։ Դատարկվել ու թալանվել է երկիրը, հուսախաբ է եղել մեր հանրությունը։
Այն իրավիճակը, որում հայտնվել են Արցախը, մեր երկիրը, հայերը, այն կարմիր գիծն ու ազդակն էին, որոնք ստիպեցին Ռուբեն Վարդանյանին որոշել գնալ Արցախ և վերականգնել հայ մարդու աժանապատվությունը, հայի ինքնությունը։
Այնտեղ այն արմատներն են, որտեղից սկսվում է մեր ինքնությունը։
Ռուբեն Վարդանյանի կոչը ներուժի մասին է , կոչ՝ եկեք Արցախ, եկեք Հայաստան, ձեր կարողությունները ծառայեցրեք ձեր հայրենիքին։ Այլևս ժամանակ չունենք, այսպես սպասելով ենք կորցրել պետություն»։
«Ապրելու երկիր» կուսակցության նախագահ Մանե Թանդիլյանը խոսել է հայաստանյան ներքաղաքական մթնոլորտի, Ռուբեն Վարդանյանի նախաձեռնությանը աջակցելու և մեր երկիրը ստեղծված բարդ իրավիճակից հանելու ճանապարհների մասին։